Pikat kryesore
- Adrion Pajaziti luan zakonisht larg portës kundërshtare, por ndonjëherë i afrohet dhe atëherë tregon talentin e tij.
- Këtë bëri ylli i ri i kombëtares shqiptare që shënoi një gol spektakolar në fitoren 3-1 që Hajduku arriti në fushën e Istrës në Ligën e Parë të Kroacisë.
- Shpresa është që vitin tjetër të shkojë më mirë, ndërsa ëndrra titull ishte e pamundur me Dinamon e Zagrebit të shkëputur përfundimisht.
Nuk është se bie aq shumë në sy. Adrion Pajaziti luan zakonisht larg portës kundërshtare, por ndonjëherë i afrohet dhe atëherë tregon talentin e tij. Këtë bëri ylli i ri i kombëtares shqiptare që shënoi një gol spektakolar në fitoren 3-1 që Hajduku arriti në fushën e Istrës në Ligën e Parë të Kroacisë. Ishte rrjeta e tij e parë për këtë sezon, në të gjitha konkurrimet, por kjo nuk e tregon qartë kontributin e 23-vjeçarit që ka luajtur gati gjysmën e ndeshjeve titullar për ekipin e shquar nga Spliti, dhe ka qenë në fushë po ashtu më shumë se në gjysmën e minutave të mundshme. Ndihma e atij që cilësohet si “Demollari i ri” gjithashtu është dashur që Hajduku të paktën të sigurojë praktikisht vendin e dytë dhe kualifikimin për në Ligën e Konferencës, pra në Europë, ku vjet u eliminua që në verë nga Dinamo shqiptare e trajnerit Ilir Daja. Shpresa është që vitin tjetër të shkojë më mirë, ndërsa ëndrra titull ishte e pamundur me Dinamon e Zagrebit të shkëputur përfundimisht. Pajaziti, lojtar i kombëtares shqiptare që ka lindur në Angli dhe ka luajtur atje për disa sezone, ka dy vjet në elitën kroate, fillimisht me Goricën për të cilën shënoi 3 gola dhe u paraqit shumë mirë, derisa bindi Hajdukun që ta merrte verën e kaluar. Mos rri jashtë: bashkohu me ABC News. Ne jemi kudo! Kroacia anulon samitin e Brdo-Brionit, Millanoviç: Veprimet e Vuçiç dëmtojnë stabilitetin rajonal Anija luftarake amerikane do të hyjë në portin kroat, Zagrebi jep miratimin Borë në Kroaci, pritet të bjerë edhe në disa vende të Ballkanit
