Pas momentit të kërcimit romantik dhe afrimitetit mes Mateo dhe Brikena, situata në shtëpinë e Big Brother VIP Albania 5 duket se ka marrë një kthesë të papritur dhe shqetësuese.
Nga ajo që po qarkullon në rrjetet sociale, raportohet se gjatë orëve të vona të natës ka ndodhur një incident, ku Mateo dyshohet se e ka puthur Brikenën pa pëlqimin e saj. Ky moment ka shkaktuar reagime të forta nga publiku, duke ngritur diskutime mbi kufijtë e sjelljes dhe respektimin e hapësirës personale brenda formatit.
Pas episodit, Brikena është parë duke u tërhequr në tualetin e shtëpisë, ku sipas pamjeve të publikuara, ka qëndruar për disa orë, në një gjendje të rënduar emocionale.
Deri në këto momente, dinamika e plotë e asaj që ka ndodhur mbetet e paqartë, ndërsa nuk ka ende një reagim zyrtar nga produksioni i Big Brother VIP Albania 5. Publiku është në pritje të një sqarimi të detajuar për të kuptuar më mirë rrethanat e këtij episodi.
