Pikat kryesore
- Të sigurta për këtë janë mediat italiane, por për zyrtarizimin duhet pritur fundi I këtij sezoni në Serie A.
- Vetëm atëherë, tekniku 56 vjeçar do të lirohet nga pankina e Napolit, pavarësisht kontratës që ka me këtë klub edhe për një tjetër vit.
- Trajneri salentin shihet si njeriu I duhur për skuadrën e kaltër në një këtë moment të vështirë, pasi për herë të tretë radhazi nuk arriti kualifikimin për në finalet e Kupës së Botës.
Antonio Conte do jetë trajneri i ri i Italisë. Të sigurta për këtë janë mediat italiane, por për zyrtarizimin duhet pritur fundi I këtij sezoni në Serie A. Vetëm atëherë, tekniku 56 vjeçar do të lirohet nga pankina e Napolit, pavarësisht kontratës që ka me këtë klub edhe për një tjetër vit. Duke qëndruar në atë që raportojnë të përditëshmet përtej Adriatikut, presidenti napolitan De Laurentis ka pranuar të mos e pengojë Antonio Conte, që nga ana e tij kërkon të kthehet sërish në krye të kombëtares së Italisë. Trajneri salentin shihet si njeriu I duhur për skuadrën e kaltër në një këtë moment të vështirë, pasi për herë të tretë radhazi nuk arriti kualifikimin për në finalet e Kupës së Botës. Ky besim mbështetet te aventura e tij e parë në pankinën e përfaqësueses italiane. Atëherë, Conte zëvendësoi Cesare Prandelli, pas paraqitjes zhgënjyese në “Botërorin 2014”, ku të kaltërit u eliminuan në fazën e grupeve. Në 25 ndeshje si trajner I kombëtares së Italisë, Conte regjistropi 14 fitore, 7 barazime dhe 4 humbje, ndrësa suksesi më i madh ishte arritja në çerekfinalet e “Euro 2016”, ku italianët u eliminuan nga Gjermania vetëm pas goditjes së penalltive. Pas këtij turneu, Antonio Conte u largua për të marrë drejtimin e Chelsea. Tani tekniku është thirrur sërish në kauzë, ndërsa ka pranuar një sfidë të vërtetë, atë për të kthyer emrin e madh të Italisë në futbollin europian dhe atë Botëror. Mos rri jashtë: bashkohu me ABC News. Ne jemi kudo! Italia e madhe është harruar/ Goli dhe fitorja e fundit në Botëror janë në 14 qershor 2014 Italia e nis nga “zero”/ Revolucion në Federatë dhe Kombëtare pas dështimit në “Botëror” Italia për të tretën herë jashtë Botërorit/ Jep dorëheqjen Presidenti i Federatës së Futbollit
