Mesfushori Kristjan Asllani ndau emocionet e tij pas fitores 1-0 të Shqipërisë ndaj Letonisë në kualifikueset për botërorin. Ai e përshkroi ndeshjen si një finale, duke theksuar se ishte e domosdoshme të merreshin tre pikë. "Ishte një emocion i madh, sepse na duhej patjetër fitorja. Jam i kënaqur me angazhimin e skuadrës, e cila e dha maksimumin gjatë gjithë ndeshjes," tha Asllani. Ai gjithashtu përmendi disa momente të vështira personale, duke iu referuar një goditjeje me taka në gju dhe një goditjeje tjetër të lartë, por e rëndësishme për të ishte kontributi në ekip. "Kam punuar ngushtë me stafin dhe besoj se kemi një skuadër të fortë që mund të arrijë shumë," përfundoi ai.
