Paris Saint-Germain, kampioni i Francës dhe i Ligës së Kampionëve, ka hedhur akuza ndaj stafit mjekësor të kombëtares franceze, duke pretenduar se ata ishin të informuar për gjendjen shëndetësore të Ousmane Dembele dhe Marcus Doue, por lejuan që ata të luanin pa marrë parasysh rreziqet. Klubi kërkon urgjencën e një protokolli të ri që do të sigurojë një koordinim më të mirë dhe më transparent mes ekipeve mjekësore të klubeve dhe atyre të kombëtares, duke e vendosur shëndetin e lojtarëve në qendër të vëmendjes.
PSG nënvizon se ka monitoruar vazhdimisht shëndetin e lojtarëve të tij dhe ka ofruar të dhëna të detajuara për gjendjen e tyre shëndetësore edhe para fillimit të stërvitjeve me ekipin kombëtar. Këto informacione përfshinin ngarkesën e punës dhe vlerësimin e rreziqeve për lëndime. Klubi shpreh keqardhje për faktin se rekomandimet e tij mjekësore nuk u morën në konsideratë nga ekipi mjekësor i kombëtares dhe thekson se ka pasur një mungesë të komunikimit dhe konsultimit me ekipet e tij mjekësore.
