Pikat kryesore
- Kina po përjeton një rritje më të dobët ekonomi, e njëkohësisht po bie nataliteti në nivel rekord.
- Deri në vitin 2100, popullsia e vendit mund të bjerë në 1.4 miliardë.
- Kjo shënoi rritjen më të dobët tremujore për ekonominë e dytë më të madhe në botë që nga fundi i kufizimeve të rrepta të vendosura për shkak të pandemisë rreth tre vjet më parë.
Kina po përjeton një rritje më të dobët ekonomi, e njëkohësisht po bie nataliteti në nivel rekord. Deri në vitin 2100, popullsia e vendit mund të bjerë në 1.4 miliardë. Ekonomia e Kinës po përjeton një ngadalësim të ndjeshëm të rritjes ekonomike: Sipas të dhënave nga Byroja e Statistikave të Pekinit, produkti i brendshëm bruto (PBB) u rrit me 4.5% në tremujorin e fundit të vitit 2025, krahasuar me të njëjtën periudhë të vitit të kaluar. Kjo shënoi rritjen më të dobët tremujore për ekonominë e dytë më të madhe në botë që nga fundi i kufizimeve të rrepta të vendosura për shkak të pandemisë rreth tre vjet më parë. Në tre tremujorët e mëparshëm, rritja ishte më e lartë: përkatësisht 5.4%, 5.2% dhe 4.8%. Për të gjithë vitin 2025, u regjistrua një rritje prej 5%. Kështu, u arrit objektivi i parashikuar nga qeveria kineze prej “rreth 5%”. Por në të njëjtën kohë, kjo është një nga normat më të ulëta vjetore të rritjes në dekadat e fudit. Investimet janë ngadalësuar gjithashtu. Investimet në asete fikse ranë me 3.8% në vitin 2025 krahasuar me vitin e kaluar. Rënia në sektorin e pasurive të paluajtshme është veçanërisht e qartë: investimet në pasuri të paluajtshme ranë me 17.2%. Ekonomia vazhdon të mbahet e qëndrueshme nga tregtia e jashtme. Pavarësisht tensioneve të vazhdueshme me SHBA dhe pasigurive të reja në politikën tregtare, Pekini javën e kaluar njoftoi një suficit tregtar rekord prej 1.2 trilion dollarësh për vitin 2025. Mosmarrëveshja tregtare me Uashingtonin çoi në një rënie të ndjeshme të eksporteve drejt Shteteve të Bashkuara me 20 përqind, si dhe në një rënie të importeve nga Shtetet e Bashkuara me 14.6 përqind. Megjithatë, tregjet e tjera ishin në gjendje të kompensonin këto humbje. Ekspertët: Ngadalësimi i rritjes do të vazhdojë Organizatat ndërkombëtare presin një ngadalësim të mëtejshëm të rritjes ekonomike të Kinës në vitet e ardhshme. Banka amerikane e investimeve Goldman Sachs është pak më optimiste me një parashikim prej 4.8%, por gjithashtu thekson se eksportet e qëndrueshme ka të ngjarë të mbeten shtylla kryesore. Në të njëjtën kohë, Goldman Sachs paralajmëron për problemet e vazhdueshme strukturore.
