Monedha europiane, e cila aktualisht ka një vlerë prej 96.9–97.1 lekë, mund të përballet me një rënie të mëtejshme në javët e ardhshme. Sipas analizave të "WalletInvestor", pritet që euro të arrijë në 94.6 lekë brenda dy javësh, duke u ulur nën nivelet aktuale. Për periudhën e ardhshme, parashikimet sugjerojnë se euro do të qarkullojë mesatarisht mes 94.6 dhe 97.1 lekësh. Nga ana tjetër, "TradingEconomics" parashikon një stabilitet të kursit, duke sugjeruar se deri në fund të vitit, euro do të lëvizë kryesisht në intervalin 97.1–97.3 lekë. Po ashtu, analiza teknike e "CoinCodex" tregon një tendencë pozitive për lekun, i cili mund të forcohet paksa ndaj euros, duke sjellë një kurs më të favorshëm për monedhën vendase.
