Pikat kryesore
- Gjithsesi, fillimi i mirë gjysma e punës, siç thuhet, dhe Lebron Xhejms e bëri të vetën në sfidën hapëse të plej ofit ndaj Hjustonit.
- Lejkërsat fituan 107-98 në Arenën e tyre në Los Anxhelos, në prani të rreth 20 000 tifozëve dhe “Mbreti I basketbollit” ishte më i miri në parket.
- Në mungesë të atij që sot është ylli kryesor i Liqenasve, Xhejms iu afrua tripëll dabëllit.
Nuk dihet nëse do t’ia dalë deri në fund. Gjithsesi, fillimi i mirë gjysma e punës, siç thuhet, dhe Lebron Xhejms e bëri të vetën në sfidën hapëse të plej ofit ndaj Hjustonit. Lejkërsat fituan 107-98 në Arenën e tyre në Los Anxhelos, në prani të rreth 20 000 tifozëve dhe “Mbreti I basketbollit” ishte më i miri në parket. Në mungesë të atij që sot është ylli kryesor i Liqenasve, Xhejms iu afrua tripëll dabëllit. Ai shënoi 19 pikë, kapi 8 topa në tabela dhe ndihmoi shokët që të shënonin duke shërbyer 13 asistë. Ndeshja ishte e fortë sidomos deri në pushim, kur vendasit kryesonin me dy pikë, por perioda e tretë doli vendimtare. Lebron u ndihmua nga shokët e tjerë, Ejton me 19 pikë, Smart me 15 e Haçimura me 14 pikë, por sidomos nga Ljuk Kenard që shënoi plot 27 pikë. Detyra e Lejkërsave ishte e vështirë sepse kalifornianëve u mungonte ylli kryesor, Luka Doncic, I dëmtuar e që nuk pritet të luajë në plej of, e po ashtu talenti më i ri, Ostin Rivs. Edhe Hjustoni ishte pa lojtarin e klasit, Kevin Durant, por që mund të kthehet shpejt, dhe më I miri për ta ishte turku Alperei Shengyn me 19 pikë, 8 topa në tabela e 6 asistë. Mos rri jashtë: bashkohu me ABC News. Ne jemi kudo! “Luftëtarët”, fitore nga distanca/ Ish-kampionia Golden State arrin sukses dramatik në NBA Lakers humbasin “pjesë”/ Goditje e rëndë, Donçiç dhe Reaves mbeten jashtë play off Lebron, “padroni” i rekordeve/ “Mbreti i basketbollit” luan në një tjetër fazë për titullin
