Pikat kryesore
- 2 miliardë dollarët në javë që Donald Trump po i shpenzonte për luftën e tij në Iran mund të kishin financuar shpëtimin e mbi 87 milionë jetëve.
- Kështu tha të hënën, kreu i agjencisë humanitare të OKB-së, Tom Fletcher.
2 miliardë dollarët në javë që Donald Trump po i shpenzonte për luftën e tij në Iran mund të kishin financuar shpëtimin e mbi 87 milionë jetëve. Kështu tha të hënën, kreu i agjencisë humanitare të OKB-së, Tom Fletcher. Ai paralajmëroi gjithashtu se normalizimi i gjuhës së dhunshme, si kërcënimet për ta bombarduar Iranin “ deri në epokën e gurit ”, është shumë i rrezikshëm, pasi inkurajon çdo lider autokrat të përdorë kërcënime dhe taktika të ngjashme, përfshirë shkatërrimin e civilëve dhe infrastrukturës civile. Fletcher, një ish-diplomat britanik dhe këshilltar për politikën e jashtme për disa kryeministra radhazi, akuzoi gjithashtu politikanët britanikë se kanë krijuar një “ skuadër pushkatimi ” për më shumë se 10 vjet, gjë që e ka lënë Mbretërinë e Bashkuar në një “ pozicion mbrojtës ”.
