Pikat kryesore
- Një zjarr me përmasa të mëdha ka përfshirë mbrëmjen e së dielës një sipërfaqe pyjore mes fshatrave Andon Poçi dhe Hundëkuq, në Gjirokastër.
- Alarmi është dhënë në orën 21:09, ndërsa menjëherë drejt zonës janë nisur dy mjete zjarrfikëse me ekipet e Mbrojtjes nga Zjarri dhe Shpëtimit.
- Sipas të dhënave nga vendngjarja, zjarri ka dy vatra aktive të shpërndara në dy kodra të ndryshme, ndërsa terreni i vështirë e bën të pamundur ndërhyrjen me automjete pranë flakëve.
Një zjarr me përmasa të mëdha ka përfshirë mbrëmjen e së dielës një sipërfaqe pyjore mes fshatrave Andon Poçi dhe Hundëkuq, në Gjirokastër. Alarmi është dhënë në orën 21:09, ndërsa menjëherë drejt zonës janë nisur dy mjete zjarrfikëse me ekipet e Mbrojtjes nga Zjarri dhe Shpëtimit. Sipas të dhënave nga vendngjarja, zjarri ka dy vatra aktive të shpërndara në dy kodra të ndryshme, ndërsa terreni i vështirë e bën të pamundur ndërhyrjen me automjete pranë flakëve. Për shkak të sipërfaqes së madhe të përfshirë, zjarri është vlerësuar si masiv dhe është angazhuar i gjithë efektivi i MZSH-së për të vënë situatën nën kontroll. Forcat zjarrfikëse po punojnë intensivisht për izolimin dhe shuarjen e flakëve, me synimin që zjarri të mos përhapet drejt fshatrave Andon Poçi dhe Hundëkuq. Ende nuk dihen shkaqet e rënies së zjarrit.
