Pikat kryesore
- Policia Kufitare e Vlorës ka zbardhur ngjarjen e ndodhur një ditë më parë pranë ishullit të Sazanit, ku 11 emigrantë nga vendet e treta rrezikuan të mbyteshin teksa lundronin me një gomone.
- Si rezultat i hetimeve, është arrestuar organizatori i dyshuar i tentativës për transportimin e tyre drejt Italisë.
- Nga hetimet rezulton se gomonen ai e kishte marrë në Seman të Fierit, në vendin që i ishte dërguar si lokacion nga një shtetas shqiptar, identiteti i të cilit nuk është zbuluar ende.
Policia Kufitare e Vlorës ka zbardhur ngjarjen e ndodhur një ditë më parë pranë ishullit të Sazanit, ku 11 emigrantë nga vendet e treta rrezikuan të mbyteshin teksa lundronin me një gomone. Si rezultat i hetimeve, është arrestuar organizatori i dyshuar i tentativës për transportimin e tyre drejt Italisë. Bëhet fjalë për një 43-vjeçar Masud Emir nga Afganistani, i cili, sipas Policisë, kishte organizuar nga Greqia futjen në mënyrë të paligjshme në Shqipëri të 10 shtetasve të huaj, me qëllim dërgimin e tyre më pas në Itali. Nga hetimet rezulton se gomonen ai e kishte marrë në Seman të Fierit, në vendin që i ishte dërguar si lokacion nga një shtetas shqiptar, identiteti i të cilit nuk është zbuluar ende. Policia vijon punën për identifikimin dhe kapjen e tij. Në kuadër të operacionit, specialistët për Hetimin e Krimit në Drejtorinë Vendore për Kufirin dhe Migracionin Vlorë, në bashkëpunim me Prokurorinë, arrestuan 43-vjeçarin për veprën penale “Ndihma për kalim të paligjshëm të kufijve”. Ndërkohë, u proceduan penalisht për veprën penale “Kalimi i paligjshëm i kufirit shtetëror” edhe 10 shtetasit e tjerë, nga Bangladeshi, Pakistani, Liberia dhe Haiti, të cilët ndodheshin në bordin e gomones. Sipas Policisë, emigrantët ishin futur ilegalisht në Shqipëri nga territori grek, ndërsa më pas do të transportoheshin me gomone nga Semani drejt Italisë. Mos rri jashtë: bashkohu me ABC News. Ne jemi kudo! Asnjë trajner i huaj në finale / Anglia nuk e prishi dot traditën e stolit në Kupën e Botës Korça, “kryeqyteti” i muzikës frymore / Parada e bandave, orkestra nga rajoni e Italia performojnë në juglindje Kriptot, me “pasaportë” fiskale / Projektligji: Ofruesit të identifikojnë klientët e të raportojnë te tatimet
