Pikat kryesore
- Diskutimet u fokusuan në angazhimin e partnerëve francezë në grupin e reflektimit mbi sfidat e politikës penale në Shqipëri, si dhe në procesin e konsolidimit të draftit të ri të Kodit Penal.
- Takimi u zhvillua përpara nisjes së samitit të Koalicionit të Vullnetmirëve për Ukrainën.
Paris/ Rama takohet me ministrin francez të Drejtësisë: Diskutuam për problematikat dhe draftin e ri të Kodit Penal Kryeministri Edi Rama zhvilloi sot në Paris një takim me ministrin e Drejtësisë së Francës, Gérald Darmanin, në kuadër të forcimit të bashkëpunimit franko-shqiptar në fushën penale. Diskutimet u fokusuan në angazhimin e partnerëve francezë në grupin e reflektimit mbi sfidat e politikës penale në Shqipëri, si dhe në procesin e konsolidimit të draftit të ri të Kodit Penal. Takimi u zhvillua përpara nisjes së samitit të Koalicionit të Vullnetmirëve për Ukrainën. Në një postim në rrjetet sociale, Rama bëri të ditur se takimi u mbajt në prag të samitit të thirrur nga Presidenti Emmanuel Macron në Pallatin Élysée, ku u diskutua për përfshirjen e ekspertizës franceze në hartimin e politikave penale në Shqipëri dhe për përafrimin e Kodit të ri Penal me standardet dhe praktikat më të mira evropiane. loading…
