Pikat kryesore
- Denverit nuk I ecën aq shumë mbarë kur ka përballë Minesota Timbërullvsin, dhe askush nuk e ka harruar eliminimin dy vjet më parë në gjysmëfinalen e Konferencës Perëndimore.
- Këtë herë dy ekipet po luajnë që në raundin e parë të plej ofit, e ndonëse Denveri po luante në fushën e vet, nuk e mbrojti dot këtë epërsi.
- Në ndeshjen e dytë, Minesota ia doli 119-115 në një përballje shumë të fortë dhe me emocione, duke barazuar rezultatin në 1-1.
Është padyshim “macja e zezë” për ish-kampionët. Denverit nuk I ecën aq shumë mbarë kur ka përballë Minesota Timbërullvsin, dhe askush nuk e ka harruar eliminimin dy vjet më parë në gjysmëfinalen e Konferencës Perëndimore. Këtë herë dy ekipet po luajnë që në raundin e parë të plej ofit, e ndonëse Denveri po luante në fushën e vet, nuk e mbrojti dot këtë epërsi. Në ndeshjen e dytë, Minesota ia doli 119-115 në një përballje shumë të fortë dhe me emocione, duke barazuar rezultatin në 1-1. Dy ndeshjet e tjera do të jenë pikërisht në fushën e të mbiquajturve “ujqërit”. E gjitha kjo, ndonëse vendasit e nisën shumë mirë. Nën udhëheqjen e kapitenit Nikola Jokiç, Nagets fitoi periodën e parë me shifrat 39-25. Në të dytën gjithçka u kthye përmbys, madje në mënyrë identike. Minesota fitoi po 39-25 duke barazuar rezultatin në pushim. Edhe pse skuadra nga Kolorado ishte paksa më lart të periodën e tretë, të fituar me tri pikë epërsi, në të katërtën Entoni Eduards me shokë ishin të papërmbajtshëm, për rezultatin final 119-115. Eduards pati 30 pikë dhe shtoi 10 topa në tabela, 2 asistë, një vjedhje topi e dy bllokime gjuajtjesh. Qendra veterane, Xhulius Randëll e ndihmoi me 24 pikë, 9 topa në tabela e 6 asistë, ndërsa 6 basketbollistë të Minesotës shënuan mbi 10 pikë. Për Denverin, Jokiç iu afrua tripëll dabëllit me 24 pikë, 15 topa në tabela e 8 asistë, Xhamal Marrej shënoi 30 pikë, por kjo nuk mjaftoi. Në ndeshjet e tjera të plej ofit, Klivlend Kavaliers mundi Toronton 115-105 dhe kryeson 2-0 në raundin e parë të plej ofit, ndërsa Nju Jorku u mund në shtëpi nga Atlanta, 107-106 dhe rezultati u barazua në 1-1. Mos rri jashtë: bashkohu me ABC News. Ne jemi kudo! Më të mirët e NBA/ Gilgeous-Alexander, Jokiç dhe “Wemby”, finalistët për trofeun NBA, Lebron bën ligjin/ Legjenda e basketbollit shkëlqen në nisjen e garës për titull “Luftëtarët”, fitore nga distanca/ Ish-kampionia Golden State arrin sukses dramatik në NBA
