Pikat kryesore
- Vetëm 23 vjeç, ajo ka ndërtuar një identitet të fortë artistik, ku muri nuk është thjesht sipërfaqe, por një platformë që lidh emocionin me realitetin.
- Për të, çdo mural është më shumë se art, është një akt, një qëndrim, një mesazh që kërkon të dëgjohet.
- Me ngjyra të forta dhe simbolikë të qartë, ai nuk është vetëm një imazh, por një thirrje për ndërgjegjësim: për rëndësinë e gjidhënies, për lidhjen e thellë mes nënës dhe fëmijës, fizike, mendore dhe emocionale.
Në lidhje direkte me “ABC e Mëngjesit”, vjen një nga zërat më të veçantë të artit urban në hapësirën shqiptare, Ermira Murati, e njohur si Orange Girl, vajza e muraleve që nuk kalojnë pa u vënë re, por që “bëjnë zhurmë” në ndërgjegjen kolektive. Vetëm 23 vjeç, ajo ka ndërtuar një identitet të fortë artistik, ku muri nuk është thjesht sipërfaqe, por një platformë që lidh emocionin me realitetin. Për të, çdo mural është më shumë se art, është një akt, një qëndrim, një mesazh që kërkon të dëgjohet. Me ngjyra të forta dhe simbolikë të qartë, ai nuk është vetëm një imazh, por një thirrje për ndërgjegjësim: për rëndësinë e gjidhënies, për lidhjen e thellë mes nënës dhe fëmijës, fizike, mendore dhe emocionale. Përballë një qendre mjekësore, ky mural shndërrohet në një “zë publik” që informon, mbështet dhe inkurajon. Por arti i Orange Girl nuk ndalet te jeta, ai përballet edhe me dhimbjen. Një tjetër mural tronditës i saj i kushtohet Ferdonije Qerkezi, nënës nga Gjakova që prej dekadash jeton mes pritjes dhe mungesës. Imazhi i saj përballë gjashtë pjatave bosh është një nga simbolet më të forta të luftës në Kosovë. Një pritje që nuk mbaron kurrë. Ky mural, i realizuar në Prishtinë në Ditën Kombëtare të Personave të Zhdukur, është më shumë se kujtesë, është një akuzë e heshtur, një thirrje për drejtësi dhe një reflektim i dhimbjes së mijëra familjeve që ende kërkojnë përgjigje. Historia e Ferdonijes nuk është vetëm personale, por kolektive: një plagë e hapur që arti i Orange Girl e sjell përpara syve të të gjithëve. Përmes ngjyrave dhe figurave, Ermira Murati ka krijuar një gjuhë që nuk kërkon përkthim. Ajo flet për dashurinë që ushqen jetën dhe për dhimbjen që nuk shuhet me kohën. Muralet e saj nuk janë për t’u parë dhe harruar janë për t’u ndjerë, për t’u diskutuar dhe për të mos u injoruar./ abcnews.al Mos rri jashtë: bashkohu me ABC News. Ne jemi kudo! “Muaji që ‘trazon’ fatin: Dy Hëna të plota në maj dhe energjia që nuk vjen shpesh” “Nga ‘tartakuti’ te përplasjet me VIP-at: Ilir Vrenozi, zëri më i zhurmshëm i së djathtës flet pa filtra… “O rrush…” Shqiptari që po ‘çmonton’ stereotipet në skenat greke
