Avokati Alban Duraj, i ftuar në emisionin “Koha për t’u zgjuar” në News24, ka shprehur shqetësimin e tij mbi rritjen e përdorimit të mjeteve alternative të transportit, si monopatinat elektrike dhe motorët elektrikë. Ai theksoi se këto mjete paraqesin rreziqe të mëdha për sigurinë në rrugë, veçanërisht në kontekstin e boshllëqeve në legjislacionin shqiptar. Duraj e theksoi se, në rast aksidentesh, përdoruesit e monopatinave mbajnë përgjegjësi penale, dhe nëse ata nuk kanë sigurim, do të detyrohen të paguajnë dëmet nga xhepi i tyre. Ai kërkoi një rregullim më të mirë të infrastrukturës për të garantuar sigurinë e të gjithëve në rrugë.
