Begaj në Harvard Club: Multilateralizmi, rruga drejt paqes dhe sigurisë globale Presidenti i Republikës, Bajram Begaj, mori pjesë në një takim të Nivelit të Lartë mbi multilateralizmin në Harvard Club, organizuar nga Qendra Ndërkombëtare Nizami Ganjavi. Gjatë fjalës së tij, ai theksoi rëndësinë e bashkëpunimit ndërkombëtar për ruajtjen e paqes dhe stabilitetit global. Begaj vuri në dukje se për vende të vogla si Shqipëria, multilateralizmi është thelbësor për siguri dhe përfaqësim ndërkombëtar. Ai bëri thirrje për mbështetje të vazhdueshme ndaj institucioneve ndërkombëtare në një botë gjithnjë e më sfiduese. Sot në Harvard Club mora pjesë në takimin e Nivelit të Lartë mbi multilateralizmin dhe sfidat në rrugën drejt paqes, i organizuar nga Qendra Ndërkombëtare Nizami Ganjavi. Gjatë takimit, theksova rëndësinë e multilateralizmit si rrugë drejt paqes dhe bashkëpunimit. Në një kohë sfiduese për rendin global, mbështetja ndaj institucioneve ndërkombëtare mbetet thelbësore për parandalimin e krizave dhe ruajtjen e stabilitetit. Për vende të vogla si Shqipëria, multilateralizmi është garanci për sigurinë dhe përfaqësimin në arenën ndërkombëtare. loading…
