Flori Mumajesi, pas një periudhe të gjatë tërheqjeje nga jeta publike, ka rikthyer vëmendjen e ndjekësve me një postim misterioz në rrjetet sociale. Ai ndau një “Instastory” të errët, në të cilin dëgjohet një audio me emocione të forta. Në regjistrim, zëri i këngëtares Elvana Gjata bën një pyetje provokuese: “… në jetën tënde, thuaj të drejtën tani”. Flori i përgjigjet me një “S’e di”, ndërsa audioja ndërthuret me vargje nga kënga e tij “Pa jetë”: “Si mund të t’dojë dikush ty nuk e di, kur ti e hedh në plehra atë dashuri”. Më pas, ai përfundon me një mesazh të fortë: “Historinë nuk e bën dot vetë”, përpara se të mbyllet me një kor fëmijësh që këndon të njëjtën këngë. Ky postim ka hapur një gamë të gjerë interpretimesh, duke nxitur fansat të spekulojnë nëse Flori po planifikon një rikthim në muzikë ose po reflekton mbi përvojat e tij personale.
