Pikat kryesore
- Deputeti i Partisë Demokratike, Luçiano Boçi, ishte i ftuar në një lidhje direkte në Ora News, ku foli për situatën brenda Partisë Demokratike dhe zhvillimet politike në kampin opozitar.
- Boçi tha se vetë mënyra si u zhvillua procesi politik dhe mbështetja e ardhur nga baza demokrate tregojnë qartë se ekziston ende besim te drejtimi aktual i partisë.
Deputeti i Partisë Demokratike, Luçiano Boçi, ishte i ftuar në një lidhje direkte në Ora News, ku foli për situatën brenda Partisë Demokratike dhe zhvillimet politike në kampin opozitar. Boçi u ndal te periudha e përçarjeve dhe konflikteve të brendshme në PD, duke thënë se demokratët kanë zgjedhur t’i besojnë vazhdimësisë dhe një drejtimi që, sipas tij, arriti ta mbajë partinë të bashkuar në momentet më të vështira. “Demokratët, pas çarjeve, ndarjeve dhe luftës së brendshme, duan një vazhdimësi me besim dhe me shpresë të re, sepse e dimë shumë mirë cili e shpëtoi Partinë Demokratike në ditë të vështira dhe cili është personi që e mban atë të unifikuar.”-tha ai. Boçi tha se vetë mënyra si u zhvillua procesi politik dhe mbështetja e ardhur nga baza demokrate tregojnë qartë se ekziston ende besim te drejtimi aktual i partisë.
