Kryeministri i Polonisë, Donald Tusk, e ka cilësuar si një ngjarje të jashtëzakonshme rrëzimin e dronëve rusë në territorin polak gjatë natës. Në një mbledhje të Këshillit të Ministrave, ai theksoi se hapësira ajrore e Polonisë u shkel nga një numër të konsiderueshëm dronësh rusë, disa prej të cilëve u identifikuan si kërcënim dhe u neutralizuan nga pilotët polakë dhe ata të NATO-s. Tusk e klasifikoi këtë incident si një mundësi provokimi të gjerë nga Rusia, megjithatë, ai siguroi se nuk ka arsye për panik, duke shtuar se situata është nën kontroll. Ai gjithashtu njoftoi se është në kontakt të vazhdueshëm me Sekretarin e Përgjithshëm të NATO-s, ndërsa operacionet ushtarake të forcave polake janë përfunduar dhe aeroportet, përfshirë atë ndërkombëtar Chopin në Varshavë, janë rihapur për fluturime.
