Policia e Tiranës ka arrestuar një 34-vjeçar, i cili dyshohet se ka kryer një akt të qëllimshëm djegie ndaj një automjeti në pronësi të një gruaje 43-vjeçare. Ngjarja ka ndodhur në mbrëmjen e 3 shtatorit, rreth orës 23:50, në rrugën “Frang Bardhi”. Si pjesë e operacionit të koduar “The Arsonist”, forcat e rendit nga Komisariati i Policisë Nr. 2 kanë ndërmarrë veprime të shpejta për të zbardhur këtë rast. Arrestimi i të dyshuarit vjen pas hetimeve të detajuara që kanë ndihmuar në identifikimin e tij si autor të këtij veprimi të dëmshëm.
