Hykmete Bajrami ka shprehur kritika të forta ndaj Kryeministrit Albin Kurti, duke e akuzuar atë për përpjekje që synojnë shkatërrimin e Republikës së Kosovës. Ajo e quajti projektin e Kurtit për krijimin e një “Republike të Tretë” si të dështuar, duke theksuar se mekanizmat e shtetit po nënshtrohen në shërbim të interesave personale të tij. Bajrami theksoi se nuk do të lejohet asnjëherë cenimi i Republikës së 17 Shkurtit, një realitet që Kurti ende nuk e ka pranuar.
Duke komentuar mbledhjen e fundit të Lëvizjes Vetëvendosje, ku Kurti u mandatuar për një mandat të dytë, Bajrami theksoi se premtimet e tij për arritjet e qeverisë janë të pabaza. Sipas saj, dështimet e Kurtit në menaxhimin e pandemisë, krizës energjetike dhe inflacionit janë të dukshme, si dhe abuzimet me pasuritë publike e kanë vënë në dyshim besueshmërinë e tij si lider.
