Presidenti kroat Zoran Milanoviq ka komentuar në profilin e tij në Facebook lidhur me vendimin e vendeve në Koalicionin e të Gatshmëve për të dërguar trupat e tyre në Ukrainë. Milanoviq hodhi poshtë çdo mundësi që Kroacia të dërgojë ushtarët e saj në këtë vend. “Siç e kam paralajmëruar shumë herë se do të ndodhte, disa vende të të ashtuquajturit Koalicion të të Gatshmëve kanë vendosur të dërgojnë ushtarët e tyre në Ukrainë. Dje, në Paris, u shpreh zyrtarisht qëllimi i Francës, Britanisë së Madhe dhe disa vendeve të tjera për të dërguar njësi ushtarake në Ukrainë në rast të një marrëveshjeje paqeje me Rusinë. Ai shtoi se kjo çështje as nuk do të diskutohet. “Kroacia është anëtare e Bashkimit Evropian dhe NATO-s dhe ka vetëm detyrime që rrjedhin nga anëtarësimi në këto aleanca, ndërsa vendimet e të ashtuquajturit koalicion të të gatëshmëve nuk e detyrojnë në asnjë mënyrë Kroacinë ose Forcat e Armatosura Kroate”, shtoi ai. Presidenti kroat komentoi gjithashtu mbi “rendin e ri global ku forca dhe e drejta e më të fortit bëhen rregull në marrëdhëniet ndërkombëtare”. “Roli kryesor i FAK-ut është të mbrojë sovranitetin dhe pavarësinë dhe të mbrojë integritetin territorial të Republikës së Kroacisë. Prandaj, të gjitha investimet e mëparshme dhe të në FAK, përfshirë futjen e trajnimit bazë ushtarak, duhet të synojnë rritjen e gatishmërisë dhe aftësive të FAK-ut për të kryer këto detyra kushtetuese”, tha Milanoviq. Siç theksoi më tej ai, paratë që Kroacia i dërgon Ukrainës nuk duhet të jenë në kurriz të ushtrisë së këtij vendi. “Do të doja të theksoja se ndihma financiare për Ukrainën që Qeveria Kroate është zotuar të japë nuk duhet të jetë në dëm të Forcave të Armatosura Kroate, dhe për këtë arsye nuk duhet të zvogëlojë fondet e nevojshme për të pajisur Ushtrinë Kroate. Po kështu, një ndihmë e tillë nuk duhet të jetë në asnjë mënyrë në dëm të qytetarëve kroatë dhe standardit të tyre të jetesës. Detyra e të gjitha institucioneve qeveritare kroate është të kujdesen për interesat kombëtare kroate dhe interesat e qytetarëve tanë”, përfundoi Zoran Milanoviq. Nëse Düsseldorfi është destinacioni juaj, PrishtinaTicket ju ofron fluturime direkte nga Aeroporti Ndërkombëtar i Prishtinës çdo ditë, Rixos Premium Dubrovnik 2 netë Çmimi: nga 159 € për person Shërbimi: Half Board Në çmim përfshihet: Akomodimi në hotel luksoz Mëngjesi Darka Pishina e 01/07/2026 14:21 Ish-ushtaraku Veseli: Shteti dhe ndërgjegja qytetare, fajtorë për vërshimet 01/07/2026 14:15 në kërkim shtetasi kosovar, dyshohet se e shiti veturën e vjedhur në Shqipëri 01/07/2026 14:08 Edhe 3 mijë e 185 pako me fletëvotime nuk janë sjellë në Kosovë
