Një ngjarje tragjike ka ndodhur mbrëmjen e djeshme në Llapashticë të Podujevës, ku një individ ka humbur jetën pas të shtënave me armë zjarri. Zëdhënësja e Policisë për rajonin e Prishtinës, Flora Ahmeti, konfirmoi se ata kanë marrë njoftime për zëra armësh rreth orës 19:30. Hetuesit e policisë, në bashkëpunim me prokurorinë, kanë filluar një hetim për të zbardhur të gjitha detajet e kësaj ngjarjeje. Sipas raportimeve nga mediat lokale, viktima është identifikuar si Bashkim Spahiu nga fshati Gllamnik, i cili është qëlluar me dhjetë plumba në automjetin e tij. Ndërkohë, dyshohet se autori i krimit është Arbër Havolli. Hetimet për këtë rast po vazhdojnë, ndërsa policia është angazhuar për të sqaruar situatën.
