Komuna e Prishtinës ka njoftuar qytetarët për mbylljen e përkohshme të Rrugës Fehmi Agani, e cila do të ndodhë për shkak të organizimit të edicionit të gjashtë të Street Party Prishtina. Mbyllja do të jetë në fuqi nga ora 08:00 e mëngjesit më 7 shtator 2025 deri në ora 03:00 të mëngjesit më 8 shtator 2025. Segmenti i rrugës që do të bllokohet shtrihet nga Ambasada e Kroacisë deri te Pompa e Benzinës. Qytetarët inkurajohen të planifikojnë udhëtimet e tyre në përputhje me këtë informacion.
