Pikat kryesore
- Qeveria serbe ka vendosur të ndërhyjë fort në tregun e karburanteve duke ulur me 40 për qind akcizën e naftës për të frenuar rritjen e frikshme të çmimeve në pika e furnizimit.
- Presidenti Aleksandar Vuçiq njoftoi se ky vendim synon të garantojë sasi të mjaftueshme karburanti dhe kontroll mbi kostot që rëndojnë xhepat e qytetarëve.
- “Ne po heqim dorë thuajse tërësisht nga të hyrat tona që të mbrojmë buxhetin e familjeve për sa kohë kemi rezerva të mëdha”, deklaroi kreu i shtetit serb pas mbledhjes së Këshillit të Sigurisë.
Qeveria serbe ka vendosur të ndërhyjë fort në tregun e karburanteve duke ulur me 40 për qind akcizën e naftës për të frenuar rritjen e frikshme të çmimeve në pika e furnizimit. Presidenti Aleksandar Vuçiq njoftoi se ky vendim synon të garantojë sasi të mjaftueshme karburanti dhe kontroll mbi kostot që rëndojnë xhepat e qytetarëve. “Ne po heqim dorë thuajse tërësisht nga të hyrat tona që të mbrojmë buxhetin e familjeve për sa kohë kemi rezerva të mëdha”, deklaroi kreu i shtetit serb pas mbledhjes së Këshillit të Sigurisë. Sipas Vucic, Serbia arkëton 2 miliardë euro për buxhetin nga akciza në naftë, njëherësh e ardhura më e madhe nga akciza. Një javë më parë Serbia veçse e ka zvogëluar akcizën në produktet e naftës për 20 për qind, e cila, sipas Vuçiqit, i kushton shtetit rreth 35 milionë euro në muaj. Vuçiq i ka përshkruar masat si “të dhimbshme për shtetin”, por që qytetarët nuk kanë arsye për t’u shqetësuar pasi Serbia ka rezerva të mjaftueshme. Zyra për Kontrollin e Aseteve të Huaja e Departamentit amerikan të Thesarit ia ka zgjatur licencën e punës Industrisë së Naftës të Serbisë (NIS) deri më 17 prill 2026, ka bërë të ditur Ministria serbe për Miniera dhe Energji.
