Pikat kryesore
- Sekretari i Përgjithshëm i NATO-s, Mark Rutte, në një deklaratë për mediat i ktheu përgjigje deklaratave të Vladimir Putin.
- Ky i fundit tha një ditë më parë se Rusia “nuk e dëshironte”, por do të ishte “gati për luftë” me Europën.
- “NATO-ja është një aleancë mbrojtëse dhe do të mbetet e tillë”, theksoi Rutte.
Sekretari i Përgjithshëm i NATO-s, Mark Rutte, në një deklaratë për mediat i ktheu përgjigje deklaratave të Vladimir Putin. Ky i fundit tha një ditë më parë se Rusia “nuk e dëshironte”, por do të ishte “gati për luftë” me Europën. “NATO-ja është një aleancë mbrojtëse dhe do të mbetet e tillë”, theksoi Rutte. “Por të mos gabojmë: Ne jemi të gatshëm dhe të vendosur të bëjmë gjithçka që duhet për të mbrojtur 1 miliard qytetarët tanë dhe për të garantuar sigurinë e territorit tonë”, shtoi ai. Rutte, paralajmëroi se aleanca po përballet me “rreziqe reale dhe të qëndrueshme”, teksa Rusia vazhdon agresionin kundër Ukrainës dhe provokimet ndaj vetë aleancës. “Rusia po e vijon luftën e saj brutale kundër Ukrainës, duke goditur gjithnjë e më shumë civilët dhe infrastrukturën kritike, ndërsa afrohet dimri”, tha Rutte. “Njëkohësisht, Moska po shfaq sjellje gjithnjë e më të pakujdesshme ndaj NATO-s, përfshirë shkeljen e hapësirës sonë ajrore, kryerjen e sulmeve kibernetike dhe dërgimin e satelitëve për të hartuar infrastrukturën nënujore të aleatëve”, shtoi ai. Sipas tij, këto incidente tregojnë “nevojën për vigjilencë të palëkundur”. Rutte theksoi se vendet anëtare “po rrisin ndjeshëm angazhimet e tyre”, por shtoi se duhet bërë edhe më shumë në muajt dhe vitet në vijim. Mos rri jashtë: bashkohu me ABC News. Ne jemi kudo! Trump nis operacionin e gjerë kundër emigracionit në New Orleans Spanja në alarm nga humbja e miliarda eurove eksporte për shkak të etheve afrikane te derrat Shtyhet padia e kryeministrit/ Meçe: Gjykata Kushtetuese nuk duhej ta shtynte vendimmarrjen, institucionet e drejtësisë po keqpërdoren
