Pikat kryesore
- Rrëshqitje gurësh është regjistruar mbrëmjen e kësaj të shtune në rrugën nacionale Burrel-Skuraj.
- Sipas BW, reshjet e shiut kanë krijuar probleme në këtë aks rrugor, ku në afërsi të sektorit C ka pasur rrëshqitje masive gurësh nga shpati i malit, duke rrezikuar drejtuesit e mjeteve.
- Sa herë ka reshje të dendura shiu, ky segment përballet me rrëshqitje gurësh.
Rrëshqitje gurësh është regjistruar mbrëmjen e kësaj të shtune në rrugën nacionale Burrel-Skuraj. Sipas BW, reshjet e shiut kanë krijuar probleme në këtë aks rrugor, ku në afërsi të sektorit C ka pasur rrëshqitje masive gurësh nga shpati i malit, duke rrezikuar drejtuesit e mjeteve. Sa herë ka reshje të dendura shiu, ky segment përballet me rrëshqitje gurësh. Punonjësit e firmës së mirëmbajtjes po punojnë për pastrimin e gurëve që kanë përfunduar në asfalt, ndërsa njëri krah i rrugës ka qenë i bllokuar për disa orë. Policia u bën apel drejtuesve të mjeteve të tregojnë kujdes të shtuar gjatë kalimit në këtë segment rrugor. Përveç rrëshqitjeve të gurëve, problem mbetet mungesa e sinjalistikës rrugore dhe e mbrojtëseve anësore. Ndërkohë, në këtë rrugë ka edhe gropa të shumta, çka e bën qarkullimin edhe më të rrezikshëm. Drejtuesit e mjeteve shprehen se një devijim i vogël për të shmangur gurët mund të përfundojë në liqenin e Shkopetit.
