Debatet mes Rozana Radit dhe Klajdi Musabelliut në “Big Brother VIP 4” mbeten ndër më të komentuarat e atij sezoni. Publiku i kujton ende fjalët e ashpra dhe përplasjet mes tyre, ku shpeshherë një situatë e thjeshtë shndërrohej në konflikt të madh.
Së fundmi, dy këngëtarët kanë surprizuar fansat me një video të përbashkët në “Instastory”, ku tregojnë se tashmë i kanë lënë pas sherret dhe janë kthyer tek humori.
Në video, Rozana shfaqet duke thënë:
“Ftova dikë për të konsumuar një supë bashkë, por më tha ‘do më japësh supë dhe do më japësh edhe lekë’.”
Më pas, Klajdi i rikthehet me batutën e famshme nga koha e tyre në shtëpinë më të famshme:
“O shtrigë!” – duke bërë që të dy të shpërthejnë në të qeshura.
Këto skena kanë marrë menjëherë vëmendjen e ndjekësve, të cilët nuk vonuan të komentojnë se sa komik është fakti që një debat i dikurshëm për një pjatë ushqim është kthyer sot në shaka publike.
Marrëdhënia e tyre sot duket krejt ndryshe – jo më tension, por humor e të qeshura. Fansat i kanë përshëndetur të dy për këtë “pajtim” dhe energji pozitive, duke i rikthyer në qendër të vëmendjes si një nga dyshet më të përfolura të BBV.
