Kreu i Aleancës për Ardhmërinë e Kosovës, Ramush Haradinaj, ka shprehur kritika të ashpra ndaj kryeministrit Albin Kurti. Ai e akuzon Kurtin për mosnjohje të vendimeve të Gjykatës Kushtetuese dhe për sulme ndaj këtij institucioni. Haradinaj theksoi se, përkundër shkeljeve kushtetuese që ka bërë vetë Kurti dhe partia e tij, ai vazhdon të fajësojë gjyqtarët për situatën e krijuar. Sipas tij, bllokimi i funksionimit të shtetit është një problem që ka një emër: Albin Kurti. Ai gjithashtu kërkoi që Gjykata Kushtetuese të vendosë për pasojat ligjore që duhet të përballen ata që shkelin Kushtetutën.
