Pikat kryesore
- Policia njofton se në këtë ngjarje ku u përfshinë 6 persona, 17vjeçari qëlloi me sende të forta dhe e përplasi më pas me makinë 34-vjeçarin e përfshirë në konflikt.
- Pas kapjes së 17-vjeçarit, vijon aksioni për kapjen dhe të personave të tjerë të përfshirë në konflikt.
- 17 vjeç, banues ne Lezhe, per veprën penale “Vrasja me dashje”, mbetur në tentativë, kryer në bashkëpunim, si dhe “Drejtim i mjetit ne menyre te parregullt”.
Lezhë, ishte në kërkim pasi tentoi të vrasë një person duke e përplasur me makinë, arrestohet 17-vjeçari Një 17-vjeçar nga Lezha, i në kërkim prej disa muash, u arrestua këtë të shtunë në akuzën e tentativës për vrasje të një shtetasi pas një konflikti për motive të dobëta. Policia njofton se në këtë ngjarje ku u përfshinë 6 persona, 17vjeçari qëlloi me sende të forta dhe e përplasi më pas me makinë 34-vjeçarin e përfshirë në konflikt. Pas kapjes së 17-vjeçarit, vijon aksioni për kapjen dhe të personave të tjerë të përfshirë në konflikt. “Si rezultat i kontrolleve dhe punës së inteligjencës informative, kryer me qëllim lokalizimin dhe ndalimin e të gjithë shtetasve të përfshirë në konfliktin për motive të dobëta, ndodhur më datë 11.04.2025, në Lezhë, shërbimet e Drejtorisë Vendore të Policisë Lezhë kapën shtetasin e në kërkim, A.M. 17 vjeç, banues ne Lezhe, per veprën penale “Vrasja me dashje”, mbetur në tentativë, kryer në bashkëpunim, si dhe “Drejtim i mjetit ne menyre te parregullt”. Nga hetimet e kryera rezultoi se 17-vjeçari drejtonte automjetin pa u pajisur me leje drejtimi, me të cilin perplasi qëllimisht, shtetasin F. Gj., 34 vjeç. Vijon puna për kapjen e të gjithë shtetasve të në kërkim për këtë rast. Materialet procedurale iu referuan Prokurorisë së Lezhës, për veprime të mëtejshme”, thuhet në njoftimin e policisë. loading…
