Hotele, lokale, anije e apartamente”- Sekuestrohen 12 milionë euro pasuri në Sarandë

string(80) “hotele-lokale-anije-e-apartamente-sekuestrohen-12-milione-euro-pasuri-ne-sarande” “Hotele, lokale, anije e apartamente”- Sekuestrohen 12 milionë euro pasuri në Sarandë Në Shqipëri po vijon puna për gjurmimin, identifikimin dhe sekuestrimin e pasurive që dyshohet se e kanë burimin nga veprimtaritë kriminale. Autoritetet shqiptare kanë njoftuar se janë skuestruar pasuri me vlerë rreth 12 milionë euro, të dyshuara të përfituara nga të ardhura të paligjshme. Specialistët për Hetimin e Krimit Ekonomik dhe Financiar në DVP Vlorë, në vijim të punës për hetimin e pasurive që dyshohet se janë përfituar nga të ardhura të paligjshme, kanë evidentuar 2 raste, dhe pas regjistrimit të procedimeve penale, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Sarandë, kanë nisur hetimet konkretisht: Në ngarkim të shtetasit K. Q., alias J. H., 43 vjeç, banues në Sarandë, me precedentë kriminalë në fushën e narkotikëve, si person i dyshuar për kryerjen e veprës penale “Pastrimi i produkteve të veprës penale ose veprimtarisë kriminale”. Lidhur me këtë rast, Gjykata e Shkallës së Parë e Juridiksionit të Përgjithshëm Sarandë, me vendimin e datës 07.09.2025, i lënë në fuqi dhe nga Gjykata e Apelit, me datë 24.10.2025, ka vendosur sekuestro preventive mbi pasuritë e këtij shtetasi, konkretisht: Hotel 6-katësh, me 37 dhoma, sipërfaqe ndërtimi 248 m² për kat + garazh 440 m², në Sarandë. Hotel 4-katësh, me 15 dhoma + lokal, sipërfaqe ndërtimi 160 m² + 80 m², në Sarandë. Në ngarkim të shtetasit A. K., 53 vjeç, banues në Sarandë, me precedentë kriminalë në fushën e krimeve ndaj personit, trafiqeve dhe narkotikëve, si person i dyshuar për kryerjen e vepërs penale “Pastrimi i produkteve të veprës penale ose veprimtarisë kriminale”. Lidhur me këtë rast, Gjykata e Shkallës së Parë e Juridiksionit të Përgjithshëm Sarandë, me vendimin e datës 31.07.2025, ka vendosur sekuestro preventive mbi pasuritë e këtij shtetasi, konkretisht: * Në Sarandë: Lokal shërbimi 103 m² dhe pasuri 123.1 m². * Në Tiranë: Apartament 78.4 m², parcelë ndërtimi 60.12 m², dyqan 103 m² dhe arë 800 m². * Në Rradhimë, Vlorë: Pasuri 36 m², pasuri 485 m² dhe pasuri 619 m². * Në Memaliaj, Tepelenë: Pasuri 386 m², truall 650 m² dhe një pasuri tjetër. Pasuri të luajtshme: 1 mjet lundrues, 4 automjete dhe 12 llogari bankare. Nën drejtimin e Prokurorisë Sarandë vijon puna për identifikimin dhe sekuestrimin e aseteve të tjera që mund të jenë regjistruar në emër të personave të tjerë, nga këta shtetas ose familjarët e tyre. Koreja e Veriut paralajmëron për më shumë “veprime sulmuese” “Hotele, lokale, anije e apartamente”- Sekuestrohen 12 milionë euro pasuri në Sarandë Kosova pa të dhëna për tregun e punës, pse ASK s’e përfill kalendarin zyrtar për vitin 2025? Hamiti: Kurti sanksionoi, izoloi e varfëroi Kosovën, duhet të dilet nga kurthi i tij Daut Haradinaj thotë se mund të shmangen zgjedhjet në prill: Unë i votoj këta emra për president Një në dy persona ndihet i pasigurt në hapësira publike në Gjermani