Kylian Mbappe nuk do të jetë i pranishëm në ceremoninë e ‘Topit të Artë’ që do të zhvillohet të hënën në Teatrin Châtelet në Paris. Real Madridi ka konfirmuar se do të bojkotojë këtë ngjarje për të dytin vit radhazi, pas polemikave të vitit të kaluar kur ekipi u largua në minutën e fundit nga aeroplani, pasi mësuan se fituesi ishte Rodri dhe jo Vinicius.
Në këtë ceremoni pritet të marrin pjesë shumë lojtarë, dhe ishte pritur që Mbappe, si një nga yjet e futbollit francez, të ishte një nga ambasadorët kryesorë. Pas ndeshjes së fundit në Ligën e Kampionëve, sulmuesi i Realit shprehu se nuk e sheh veten si fitues të çmimit dhe do ta ndjekë ngjarjen nga shtëpia. Ai theksoi se për të fituar ‘Topin e Artë’ duhet të fitojë trofe dhe se përkushtimi i tij është të ndihmojë klubin të arrijë sukses.
“Do të jem i lumtur nëse Dembelen e fiton çmimin, sepse është miku im dhe e kam mbështetur gjithmonë. Do ta ndjek në televizion dhe shpresoj që ai ta marrë,” deklaroi Mbappe.
Po ashtu, edhe dy lojtarë të tjerë të Real Madridit, Jude Bellingham dhe Vinicius Junior, nuk do të jenë të pranishëm në këtë ceremoni. Megjithatë, Bellingham ka treguar formë të shkëlqyer në fillim të sezonit, duke u bërë një nga pretendentët kryesorë për edicionin e ardhshëm të çmimit.
Mendim personal
Mungesa e Kylian Mbappe në ceremoninë e ‘Topit të Artë’ tregon për tensionet aktuale në botën e futbollit dhe marrëdhëniet mes lojtarëve dhe klubeve
