Oda Ekonomike Amerikane në Kosovë ka shprehur shqetësimin e saj për pezullimin e Dialogut Strategjik me Shtetet e Bashkuara, një nismë që konsiderohet thelbësore për zhvillimin ekonomik dhe diplomatik të vendit. Në një komunikatë për media, oda thekson se ky vendim përbën një pengesë për aspiratat e Kosovës.
"Është e domosdoshme që Qeveria e Kosovës të ndryshojë qasjen e saj dhe të angazhohet në një bashkëpunim më të ngushtë me SHBA-të dhe partnerët e tjerë ndërkombëtarë. Kosova nuk ka mbështetje më të madhe se Shtetet e Bashkuara, dhe kjo duhet të reflektohet në veprimet e institucioneve tona," theksohet në reagim.
Oda gjithashtu thekson se vetëm përmes një bashkëpunimi konstruktiv dhe afërsisë me aleatët e besueshëm, Kosova mund të sigurojë stabilitetin dhe të krijojë mundësi për zhvillim ekonomik, si dhe mirëqenie për qytetarët e saj. Ajo u bën thirrje të gjithë aktorëve politikë dhe jopolitikë në vend që të veprojnë me përgjegjësi dhe urgjencë për të rikthyer besimin dhe dialogun.
Mendim personal
Mbështetje e vazhdueshme nga SHBA është thelbësore për zhvillimin e qëndrueshëm ekonomik të Kosovës dhe për avancimin e dialogut strategjik
