Inter është “zoti” i Italisë/ Pronëson edhe Kupën, pak ditë pasi siguroi titullin kampion

Kanë kaluar 16 vjet dhe duket se sërish gjithçka vjen nga stoli. Edhe pse Interi cilësohet prej kohësh si skuadra më e fortë e Italisë, duhet një timonier i zoti për të siguruar trofetë dhe pas Zhoze Murinjos, këtë po e bën Kristian Kivu. Një ish-nxënës i portugezit udhëhoqi zikaltërit në triumfin e dytë në pak ditë, duke bërë që të dominojnë më në fund futbollin italian. Nëse fundjavën e kaluar u sigurua titulli në Serinë A, tashmë erdhi edhe Kupa e Italisë, fituar në finalen ndaj Lacios. Sukses 2-0 edhe pse luhej në shtëpinë e kundërshtarit, në stadiumin “Olimpiko” të Romës. Gjithçka erdhi thjesht, me autogol nga Marushiç dhe rrjetën e zakonshme të kapitenit Lautaro Martinez. Sulmuesi, edhe pse nuk ka shifra si ato të Harri Kejnit apo Kilian Mbapesë, sërish është i shkëlqyer me 22 gola e 6 asistë në 39 ndeshje të këtij sezoni. Dhe imagjinoni, që kjo ishte rrjeta e tij e parë këtë vit në Kupë. Lacio nuk është se nuk bëri rezistencë, dhe Interi nuk është se dominoi plotësisht, por ishte suksesi nuk u vu në diskutim. Dominon Lacion! Ndeshje me një kah! Dominim i Interit, titulli dhe Kupa e Italisë!” Për “Tutosportin” nga Torino, zikaltërit janë thjesht “tepër të fortë”: Nuk pati histori, 2-0 Lacios, kupa e 10-të e Italisë për Interin!” Tashmë Italia është veshur me ngjyrat zikaltër, dhe objektivi I madh sezonin që vjen është suksesi në Champions. Mos rri jashtë: bashkohu me ABC News. Ne jemi kudo! Inter do “kurorën” e dytë/ Zikaltërit luajnë sonte finalen e Kupës së Italisë në Romë Një italian me fanelën rozë/ Ciccone është lideri i ri i garës së madhe të Apenineve Rama “korrigjon” Hoxhën/ Kryeministri: Marrëveshja me Melonin vazhdon