Pikat kryesore
- Ishulli i madh e gjen veten në qendër të një stuhie gjeopolitike me emrin e Trumpit dhe njerëzit këtu janë qartësisht të shqetësuar.
- Thuhet se ndodhet në majë të botës; pjesa më e madhe e saj mbi Rrethin Arktik.
- Groenlanda është nëntë herë më e madhe se Mbretëria e Bashkuar, por ka vetëm 57,000 banorë, shumica e tyre Inuitë indigjenë.
Ishulli i madh e gjen veten në qendër të një stuhie gjeopolitike me emrin e Trumpit dhe njerëzit këtu janë qartësisht të shqetësuar. Megjithatë, kur fluturon, duket kaq i qetë. Thuhet se ndodhet në majë të botës; pjesa më e madhe e saj mbi Rrethin Arktik. Groenlanda është nëntë herë më e madhe se Mbretëria e Bashkuar, por ka vetëm 57,000 banorë, shumica e tyre Inuitë indigjenë. Grupin më të madh të Groenlandezëve e gjen në bregdetin jugperëndimor në kryeqytet, Nuuk. Prindërit i zvarrisnin fëmijët e tyre nga shkolla me sajë, dhe nxënësit hynin e dilnin me vrap nga qendrat tregtare të ndriçuara me shkëlqim. BBC, që shkoi atje, tha se pak veta donin të flisnin për ankthin që lidhej me Trumpin këtu. Një pensionist e përplasi bastunin e tij në tokë me theks, ndërsa tha se SHBA-të nuk duhet ta vendosin kurrë flamurin e tyre në kryeqytetin e Groenlandës. Një zonjë që tha se nuk u besonte të gjithëve këto ditë dhe nuk e dha emrin e saj, pranoi se ishte “e frikësuar për vdekje” nga mundësia që Trump ta merrte ishullin me forcë, pasi pa ndërhyrjen e tij ushtarake në Venezuelë. Ndërkohë, Pilu Chemnitz, një 20-vjeçar, tha: “Mendoj se të gjithë jemi shumë të lodhur nga presidenti amerikan. Ne gjithmonë kemi jetuar një jetë të qetë dhe paqësore këtu”. “Sigurisht, kolonizimi nga Danimarka shkaktoi shumë trauma për shumë njerëz, por ne thjesht duam të na lënë rehat”. Ndërsa janë të pasur me burime natyrore të pashfrytëzuara, varfëria është një problem i vërtetë këtu në komunitetet Inuit. Në përgjithësi, banorët e Groenlandës duan një zë më të madh dhe më të fuqishëm, jo vetëm në politikat e tyre të brendshme, por edhe në çështjet e jashtme. Studentët e UNI-UNI – Universum International College Powered by Arizona State University arritën sukses të jashtëzakonshëm duke Nëse Düsseldorfi është destinacioni juaj, PrishtinaTicket ju ofron fluturime direkte nga Aeroporti Ndërkombëtar i Prishtinës çdo ditë, 01/10/2026 07:52 Groenlandezët të shqetësuar teksa e gjejnë veten në një stuhi gjeopolitike 01/10/2026 07:45 Nuk ka pritje në pikat kufitare për të hyrë e për të dalë nga Kosova 01/10/2026 07:34 E dhimbshme: 70 vjeçari vdes disa ditë pasi u godit nga vetura
