Reperi G-Bani, i njohur si ish-banori i Big Brother VIP Albania 4, ka bërë një reagim të fortë ndaj ekipit të produksionit të spektaklit, disa muaj pas përfundimit të sezonit. Gjatë një transmetimi të drejtpërdrejtë në TikTok, ai u përgjigj pyetjeve të ndjekësve lidhur me sëmundjen e babait të tij, duke sqaruar se situata ishte e vërtetë. Megjithatë, ai shfrytëzoi këtë rast për të akuzuar produksionin se kishte vepruar në mënyrë të papërshtatshme. “Ata bënë një shfaqje të shëmtuar në kurrizin tim, duke mos më informuar më parë që të mund të isha pranë babait tim, por vetëm në Prime,” tha G-Bani. Kjo deklaratë e tij ka shkaktuar një valë reagimesh në rrjet, duke rikthyer në vëmendje një nga episodet më të diskutueshme të sezonit të katërt të BBVA.
