Eksperti i aksidenteve vë gishtin në plagë: kush po i vret shqiptarët në rrugë

Tragjedia e rëndë në Durrës, ku dy fëmijë humbën jetën dhe një i tretë lufton me vdekjen, rikthen me forcë alarmin për sigurinë rrugore në Shqipëri. Eksperti dhe avokati i aksidenteve rrugore, Gëzim Hoxha, thekson se kjo nuk është një ngjarje e izoluar, por pasojë e një kulture të dobët rrugore dhe një zinxhiri dështimesh që nisin nga individi dhe përfundojnë te sistemi. Drejtimi i mjetit nën efektin e alkoolit mbetet një nga shkaqet kryesore të aksidenteve fatale. Alkooli ul ndjeshëm reagimin, përqendrimin dhe aftësinë për të marrë vendime të shpejta dhe në rrugë, një sekondë mund të ndajë jetën nga vdekja. Sipas ekspertit, problemi nuk është vetëm ligji, por mungesa e ndërgjegjësimit: drejtuesit e mjeteve nuk e marrin seriozisht rrezikun, ndërsa kontrolli shpesh mbetet i pamjaftueshëm. Shpejtësia mbi normat, parakalimet e rrezikshme, përdorimi i telefonit dhe mosrespektimi i sinjalistikës janë kthyer në një fenomen të përhapur, që tregon mungesën e disiplinës rrugore në vend. Ekspertët kërkojnë shtim të kontrolleve me alkooltest, sidomos në orët e natës dhe fundjavë, masa më të ashpra si heqja e patentës, por mbi të gjitha edukim që në moshë të re dhe përgjegjësi sociale nga familja dhe shoqëria. Çdo aksident fatal është rezultat i një zinxhiri faktorësh. Por kur mungon analiza pas ngjarjes, kur sistemi nuk reflekton dhe nuk korrigjon gabimet, tragjeditë rrezikojnë të përsëriten. Mos rri jashtë: bashkohu me ABC News. Ne jemi kudo! Barometri i sigurisë së jetës dhe i punës së policisë së shtetit Dy aksidente të rënda në Fier/ Në pak orë, një fermer humb jetën, një çift plagoset rëndë Alkooli, vrasës në rrugë/ Sondazhi, 20 përqind kanë drejtuar mjetin nën efektin e alkoolit