Pikat kryesore
- Moti i keq, i shoqëruar me reshje të rrëmbyeshme shiu, ka shkaktuar përmbytje të mëdha në një distrikt pranë bregdetit të Detit të Zi në Turqi, duke përmbytur shtëpi dhe biznese, si edhe duke marrë me vete automjete.
- Të paktën 12 persona janë shtruar në spital me lëndime të lehta, raportoi agjencia shtetërore Anadolu.
- Reshjet intensive nisën ditën e djeshme dje shkaktuan daljen e lumenjve nga shtrati në distriktin Havza të provincës Samsun.
Moti i keq, i shoqëruar me reshje të rrëmbyeshme shiu, ka shkaktuar përmbytje të mëdha në një distrikt pranë bregdetit të Detit të Zi në Turqi, duke përmbytur shtëpi dhe biznese, si edhe duke marrë me vete automjete. Të paktën 12 persona janë shtruar në spital me lëndime të lehta, raportoi agjencia shtetërore Anadolu. Reshjet intensive nisën ditën e djeshme dje shkaktuan daljen e lumenjve nga shtrati në distriktin Havza të provincës Samsun. Ujërat vërshuan nëpër rrugë, duke transportuar makina dhe mbeturina. Sipas Anadolu, bodrumet dhe katet përdhese të disa banesave dhe bizneseve u përmbytën. Pamjet video të publikuara tregojnë një shofer që qëndronte mbi një kamion, në pritje të shpëtimit nga ekipet emergjente. Sipas autoriteteve, asnjë prej të lënduarve nuk ndodhet në gjendje të rëndë. Disa prej tyre u paraqitën vetë në spital, ndërsa të tjerë u transportuan nga ekipet mjekësore. Zjarrfikësit, policia dhe ekipet e emergjencave civile janë angazhuar në zonë për shpëtimin e banorëve të bllokuar dhe pastrimin e rrënojave të shkaktuara nga përmbytjet.
