Showbizi shqiptar është “tronditur” sërish nga lajmi i ndarjes së një prej çifteve më të dashura të publikut — Elgit Doda dhe Klea Huta. Sipas deklaratës së gazetarit Elton Tozaj në MCN, këngëtari dhe aktorja i kanë dhënë fund marrëdhënies së tyre disa vjeçare, ndërkohë që burime pranë artistit pohojnë se ai ka nisur një lidhje të re me një vajzë nga Lushnja.
Në rrjetet sociale, ndjekësit kanë vënë re disa detaje që kanë ndezur dyshimet: çifti ka fshirë të gjitha fotot e përbashkëta dhe nuk janë parë bashkë në asnjë dalje të fundit publike. Madje, burime pranë miqve të tyre tregojnë se kohët e fundit kanë shmangur çdo paraqitje të përbashkët në evente apo rrjete sociale.
Kujtojmë se Klea dhe Elgiti kanë qenë një nga çiftet më të komentuar të showbiz-it shqiptar, të cilët shpesh ndanin momente të ëmbla dhe dedikime dashurie në publik. Por duket se romanca e tyre ka marrë fund.
