Në një ndeshje të rëndësishme për kualifikimet e Kupës së Botës 2026, kombëtarja shqiptare arriti të fitojë 1-0 ndaj Letonisë në stadiumin "Air Albania". Goli i vetëm i takimit erdhi nga Kristjan Asllani, i cili me performancën e tij kontribuoi në sigurimin e tri pikëve të vlefshme për kuqezinjtë. Sipas vlerësimeve të faqes së njohur për statistika, “Sofa Score”, Asllani dhe Mario Mitaj ishin lojtarët më të vlerësuar në fushë, duke treguar një nivel të lartë loje. Ndërkohë, sulmuesi Broja nuk arriti të shkëlqejë siç pritej, duke lënë pas një ndjesi zhgënjimi për tifozët.
