Ish-konkurrentja e reality show-t "Ferma VIP", Alba Pollozhani, ka reaguar ndaj thashethemeve që kanë qarkulluar për një shtatzëni të mundshme. Gjatë një intervistë në televizion, ajo theksoi se këto lajme janë të pavërteta dhe se nëse do të ishin të vërteta, nuk do të kishte arsye për t'i fshehur. "Nëse do të ishte e vërtetë, do ta pranoja, sepse nuk mund të mohoj diçka të bukur," u shpreh Alba. Ajo përmendi se pas daljes nga formati, ka kaluar nëpër një periudhë të mbushur me emocione, duke e bërë të vështirë për të të përballonte çdo spekulim. "Ka qenë një fazë me shumë emocione të larta… sado i fortë të jesh, je konfuz me çdo gjë që ndodh përjashta," shtoi ajo. Këto deklarata i japin fund spekulimeve që kanë qarkulluar për disa javë, duke sqaruar publikun mbi situatën e saj.
