Leonardo Preza, 26 vjeç, është arrestuar nga policia paai dyshohet se abuzoi seksualisht me një turiste italiane 18-vjeçare.
Ngjarja ka ndodhur në pjesën e shezlongëve të plazhit të qytetit bregdetar.
Preza u arrestua pasi u shpall në kërkim pas denoncimit të vajzës.
I riu nga Durrësi është person me precedentë të mëparshëm penalë për armëmbajtje pa leje dhe vjedhje.
E reja ka dëshmuar se ishte me shoqërinë në hotel dhe kur u shkëput prej tyre, u ul te shezlongët përballë rreth orës 05:30 të mëngjesit.
Në këtë moment, ajo rrëfen se iu afrua 26-vjeçari.
Pavarësisht se bëri rezistencë, ai e sulmoi fizikisht dhe abuzoi seksualisht me të.
26-vjeçari ka pranuar se ka kryer seks me 18-vjeçaren, por sipas tij ka ndodhur edhe me dëshirën e saj.
Ajo ka shenja të dukshme dhune në duar, qafë e në pjesë të tjera të trupit.
