Ish-banori i “Big Brother VIP 5”, Stenaldo, ka bërë një rrëfim të sinqertë dhe emocional gjatë paraqitjes së tij në emisionin “Fan Club”, duke folur për herë të parë publikisht për një kapitull të rëndësishëm të jetës së tij personale.
Ai zbuloi se ka qenë në një lidhje që ka zgjatur rreth 7-8 muaj, një histori që, sipas tij, ka pasur një ndikim të fortë në jetën e tij, edhe pse nuk ishte pa vështirësi. Distanca mes tyre ishte një nga sfidat kryesore, pasi jetonin në qytete të ndryshme dhe takimet kërkonin përpjekje të vazhdueshme.
“Është bukur të dashurosh. Lidhja që unë kam pasur ka qenë e gjatë, 7-8 muaj. Ne ishim larg edhe ajo ishte një gocë shumë, shumë e bukur dhe nuk kishte nevojë ta shikoje për të thënë që është e bukur. Histori më e bukur për jetën time, por jo e vetmja. Ne bënim rrugët me tren për t’u takuar me njëri-tjetrin”, u shpreh ai.
Deklarata e tij ka ngjallur reagime në rrjet, jo vetëm për mënyrën e ndjerë si e përshkroi lidhjen, por edhe për frazën “por jo e vetmja”, që ka lënë hapësirë për interpretime dhe kuriozitet mbi jetën e tij sentimentale.
Gjatë intervistës, Stenaldo u pyet edhe për marrëdhënien me vëllain e tij, Xhole, një temë që ai preferoi ta trajtonte me kujdes dhe rezervë.
“Disa gjëra në jetën e çdo kujt janë shumë të dhimbshme dhe meritojnë të jenë private. Unë dhe Xhole do takohemi shumë shpejt dhe dua të kem një bisedë shumë të gjatë me të”, tha ai.
Ky rrëfim ka treguar një anë më të ndjeshme të ish-banorit, duke lënë të kuptohet se pas eksperiencës në “Big Brother VIP”, ai ka ende shumë për të thënë… por jo gjithçka është gati për publikun.
