Pikat kryesore
- Spanja nuk arriti të marrë më shumë se një barazim 0:0 nnë ndeshjen e saj të parë në Kupën e Botës 2026, duke u ndalur surprizueshëm nga Kepi i Gjelbër.
- Rezultati i kësaj përballjeje ka ngjallur diskutime në emisionin “Futboll, jo Soccer ” në Abc News, ku gazetari Fatmir Mneri u shpreh i befasuar nga paraqitja e spanjollëve.
- Më vjen pak zor me veten, sepse dje parashikova një fitore 5-0.
Spanja nuk arriti të marrë më shumë se një barazim 0:0 nnë ndeshjen e saj të parë në Kupën e Botës 2026, duke u ndalur surprizueshëm nga Kepi i Gjelbër. Skuadra e drejtuar nga Luis de la Fuente dominoi takimin në posedim dhe krijoi rastet më të rrezikshme, por u përball me një performancë të shkëlqyer të portierit Vozinha, i cili mbajti të paprekur portën e tij deri në fund. Rezultati i kësaj përballjeje ka ngjallur diskutime në emisionin “Futboll, jo Soccer ” në Abc News, ku gazetari Fatmir Mneri u shpreh i befasuar nga paraqitja e spanjollëve. “Nuk e prisja këtë barazim të Spanjës. Më vjen pak zor me veten, sepse dje parashikova një fitore 5-0. Më duket një skuadër e ngopur, që ka nevojë për më shumë punë dhe përkushtim, jo aq në aspektin taktik, sesa në qasjen dhe mentalitetin e lojës”, deklaroi Mneri. Nga ana tjetër, ish-futbollisti Ledio Pano vlerësoi paraqitjen e Kepit të Gjelbër, duke theksuar cilësitë fizike të skuadrës afrikane. “Afrikanët janë lojtarë të shpejtë dhe të fortë, por zakonisht u mungon pasimi i fundit. Spanja ka cilësi të mëdha në qarkullimin e topit dhe në ndërtimin e aksioneve. Megjithatë, sot Kepi i Gjelbër duhet të jetë krenar për këtë rezultat. Spanja ka mbi 30 ndeshje pa humbje dhe me atë që pamë sot, Kepi i Gjelbër mund të bëjë edhe më shumë në këtë Botëror”, u shpreh Pano. Barazimi konsiderohet një nga surprizat e para të turneut, ndërsa Spanja do të kërkojë reagim në ndeshjet e ardhshme për të mos vënë në rrezik objektivat e saj në Botërorin 2026. Mos rri jashtë: bashkohu me ABC News. Ne jemi kudo! Zvicra humbet me të parën/ Analistët: Nga mendjemadhësia te mungesa e përqendrimit.
