Shën Nënë Tereza nderohet me meshë solemne në nëntëvjetorin e saj të shenjtërimit Shën Nënë Tereza është nderuar sot me meshë solemne në 9 vjetorin e shenjtërimit të saj në katedralen e kryeqytetit.
Në tempullin fetar që mban emrin e saj u mblodhën besimtarë të shumtë dhe dashamirë të kauzës, ku u lexuan lutje nga vargjet e Biblës dhe u kënduan këngë në kor në lavdi të Shën Terezës.
Ipeshkvi Dodë Gjergji nderoi angazhimin e të Dërguarit të Posaçëm të Atit të Shenjtë në Kosovë, Luigj Bardhin.
“Në përvjetorin e shugurimit të kësaj kishe, kemi nderin të presim edhe të Dërguarin e Posaçëm të Atit të Shenjtë për Kosovën, Luigj Bardhi.
Kemi dashur që të fillojmë misionin tuaj në Kosovë me ndërmjetësimin e Nënë Terezës, pajtores së kësaj Kishe dhe bijës së Popullit tonë dhe shpresojmë që ajo do të ju prijë mbarë në ditët e punës dhe të përfaqësimit të Atit të Shenjtë pranë nesh dhe pranë vendi tonë”, tha ai.
Delegati Apostolik për Kosovën, Luigj Bardhi, ndau gëzimet e tij për pjesëmarrjen në këtë ceremoni, si dhe përcolli bekimin e Papa Leonit të Vatikanit.
Shën Nënë Tereza, emri i plotë i së cilës është Anjezë Gonxhe Bojaxhiu, u lind më 26 gusht 1910, në Shkup.
Ishte humaniste e njohur shqiptare, fituese e çmimit Nobel për Paqen, ndërsa më 19 tetor 2003 u shpall e bekuar nga Vatikani./KP/ Basha e merr vendimin prej Gjykatës për pezullim të punës së Kuvendit, ua shpërndan deputetëve Shën Nënë Tereza nderohet me meshë solemne në nëntëvjetorin e saj të shenjtërimit Behrami: Thaçi e të tjerët u maltretuan në Hagë, sepse s’kishin shtet që i mbronte Një 80 vjeçar dhe një 72 vjeçar nga Kosova humbin jetën në det të Velipojës Asnjë veprim e vendim për krijim të Qeverisë së re, Kushtetuesja vepron para mbledhjes së VV-së dhe analizës së ekipit të Osmanit
