Presidentja Vjosa Osmani është takuar sot me ministrin e Ekonomisë dhe Planifikimit të Arabisë Saudite, Faisal bin Fadhil Alibrahim.
Ajo ka theksuar se me politikanin arab ka diskutuar për mundësitë që Kosova të tërheq investime të reja në prag të “Future Investment Initiative”, që do të mbahet në Riad.
Gjatë ditës, Osmani është takuar edhe me deputetët gjermanë Johannes Volkmann dhe Roderich Kiesewetter, si dhe me Mark Speich, sekretarin e përgjithshëm të Konrad Adenauer Stiftung.
