Pikat kryesore
- Madje në kushte të tjera financiare e shoqërore, një legjendë e futbollit shqiptar dhe ballkanik si Sulejman Demollari, duhej ta kishte pasur shumë më parë një libër biografik.
- Gjithsesi, realitet kjo gjë u bë pikërisht tani, kur ylli I futbollit është 62 vjeç dhe autor I librit është ish-arbitri dhe publicisti, Uvil Zajmi.
- Vepra është ndërtuar me disa kapituj, që nisin historinë e ish-mesfushorit të Dinamos dhe kombëtares që kur ishte nxënës në shkollën “Alqi Kondi”, e derisa mbylli karrierën në moshën 33-vjeçare.
Padyshim që është diçka që ai e meriton. Madje në kushte të tjera financiare e shoqërore, një legjendë e futbollit shqiptar dhe ballkanik si Sulejman Demollari, duhej ta kishte pasur shumë më parë një libër biografik. Gjithsesi, realitet kjo gjë u bë pikërisht tani, kur ylli I futbollit është 62 vjeç dhe autor I librit është ish-arbitri dhe publicisti, Uvil Zajmi. Vepra është ndërtuar me disa kapituj, që nisin historinë e ish-mesfushorit të Dinamos dhe kombëtares që kur ishte nxënës në shkollën “Alqi Kondi”, e derisa mbylli karrierën në moshën 33-vjeçare. Libri u prezantua në një ceremoni në sallën e konferencave në “Arenën Air Albania” me pjesëmarrje të ish-shokëve të tij të ekipit si Mujo Targaj apo Artur Çobani, të ish-yjeve të futbollit si Agustin Kola e Perlat Musta, të familjes, dhe të shumë miqte, gazetarëve e njerëzve të tjerë të sportit. Në sallë ishte I pranishëm edhe trajneri i parë i Demollarit, Saimir Dauti. Libri është voluminoz me mbi 300 faqe, diçka e pashmangshme për një futbollist të nivelit të Demollarit. Për Dinamon e Tiranës luajti nga 1982 deri në 1991, duke fituar dy tituj kampion, kupën dhe superkupën e Shqipërisë. Për 4 sezone ishte tek Dinamo e Bukureshtit, duke u kampion e duke u vlerësuar deri sot e kësaj dite si futbollisti më i mirë i huaj i ekipit rumun. Pak luajti në Greqi tek Panionios dhe në Hungari tek Gjëri, ndërsa fanelën e Shqipërisë e veshi 45 herë duke shënuar një gol. Mos rri jashtë: bashkohu me ABC News. Ne jemi kudo! Legjenda e futbollit shqiptar ka një thirrje për tifozët: Humbjet dhembin, por ky grup do na bëjë krenar! VIDEO/ FSHF zgjeron hartën, kërkon për talente edhe në Preshevë VIDEO/ Mirëseardhja e veçantë, FSHF “provokon” Anglinë me perlën e Demollarit
