Pas spektaklit të fundit të Big Brother VIP Albania, ku përplasjet mes Juelës, Gretës dhe Selinës morën vëmendjen kryesore për shkak të toneve të ashpra dhe fjalorit të përdorur, debati ka kaluar tashmë edhe jashtë shtëpisë më të famshme në Shqipëri.
Familjarët e Juelës, të cilët menaxhojnë llogarinë e saj në Instagram gjatë kohës që ajo ndodhet brenda në shtëpi, kanë reaguar publikisht duke akuzuar gazetaren dhe opinionisten Aulona Musta për qëndrim të njëanshëm. Sipas tyre, Musta ka qenë mbështetëse e Selinës dhe Gretës dhe nuk ka reaguar më herët ndaj ofendimeve që janë përdorur gjatë debateve në shtëpi. Për këtë arsye, familjarët e Juelës shprehen se ajo nuk ka të drejtë të kritikojë situatën vetëm tani.
Por reagimi nuk ka mbetur pa përgjigje. Aulona Musta ka reaguar përmes një Instastory në Instagram, ku ka dënuar gjuhën e përdorur ndaj Juelës, por njëkohësisht ka theksuar se banorja ka “humbur të drejtën” për të kërkuar mbështetje, për shkak të aleancës së saj me Rogertin.
“Po ti je ortake e Rogertit o Juela!!! Ti e shikon si idhullin tënd Rogertin! Ke zgjedhur partner në lojë Rogertin që ka thënë gjërat më të ndyra për vajzat dhe djemtë aty! Ti s’ke të drejtë t’i kërkosh llogari askujt për sa kohë PËRKRAH, MBËSHTET dhe DUARTROKET gjuhën dhe lojën e Rogertit!” – ka shkruar Musta në reagimin e saj.
Në një tjetër Instastory gjatë Prime-it, gazetarja ka ironizuar edhe afrimitetin mes Juelës dhe Rogertit, duke komentuar se dyshja po përpiqet të krijojë një aleancë të re në shtëpi dhe të zërë vendin që deri më tani kanë pasur Miri dhe Selina në dinamikën e lojës.
Kjo situatë tregon se tensionet e krijuara në Big Brother VIP 5 nuk po mbeten më vetëm brenda mureve të shtëpisë, por po përhapen edhe në rrjetet sociale, ku fansat dhe personazhe të njohur publikë po ndahen në kampe të ndryshme, duke e bërë debatin edhe më të fortë jashtë reality show-t.
