Ka lëvizje, por asgjë nuk ecën Në politikën e Shqipërisë vërtet

Në politikën e Shqipërisë vërtet ka lëvizje, por asgjë nuk ecën përpara. Moskuptimi i ideve në politikë është ose shprehje e injorancës, ose shprehje e frikës. Dhe kjo po ndodh sot në Shqipëri, sepse në politikën aktuale në Tiranë opozita nuk ka ide. Dhe kjo gjendje opozitare sigurisht që, kudo në një demokraci, është në favorin absolut të kryeministrit aktual. Kjo është gjendja e sotme politike në Shqipëri, sepse opozita nuk ka ide. Por ka vetëm sharje ndaj kundërshtarit, çka tregon se opozita e sotme nuk e di fare se ku është dhe çfarë po ndodh në Shqipëri. Kjo tregon se me fjalë fyese ajo don të shfryjë dufin e saj të humbjes dhe të mungesës së forcës. Dhe kjo sigurisht që do të regjistrohet si ngjarje historike, sepse Partia Demokratike e ka kryetarin e saj një person të padëshiruar në Shtetet e Bashkuara të Amerikës dhe në Bashkimin Evropian. Dhe ky është Sali Berisha. Por, Sali Berisha është edhe i akuzuar për korrupsion në një proces penal nga SPAK. Atëherë? Sigurisht që kjo gjendje tregon saktë vetëm një gjë thelbësore. Që? Që në politikën e sotme në Shqipëri kryeministri socialist Edi Rama dhe Partia Socialiste nuk kanë kundërshtar me vota në Shqipëri. Dhe këtu mbyllet çdo diskutim. Po politika e Partisë Socialiste ku e gjen gjithë këtë forcë dhe siguri? Partia Socialiste do të jetë në shkëlqim politik në Shqipëri, për aq kohë sa Partia Demokratike të ketë një kryetar i cili nuk pranohet në Shtetet e Bashkuara të Amerikës dhe në Bashkimin Evropian. Dhe kjo sigurisht që e mbyll këtë diskutim.