Pikat kryesore
- Bashkimi Evropian ka shprehur solidaritetin me Venezuelën pas tërmeteve shkatërruese, duke u shprehur i gatshëm të aktivizojë Mekanizmin e Mbrojtjes Civile të BE-së nëse autoritetet venezueliane paraqesin një kërkesë.
- Pasditja vonë e së mërkurës rezultoi dramatike për Venezuelën.
- Vendi u godit nga dy tërmete të fuqishëm 7.2 dhe 7.5 Rihter, lëkundjet e të cilëve u regjistruan rreth 1 minutë njëri pas tjetrit.
Bashkimi Evropian ka shprehur solidaritetin me Venezuelën pas tërmeteve shkatërruese, duke u shprehur i gatshëm të aktivizojë Mekanizmin e Mbrojtjes Civile të BE-së nëse autoritetet venezueliane paraqesin një kërkesë. Përfaqësuesja e Lartë Kallas dhe komisionerët Sìkela dhe Lahbib shprehën ngushëllimet për familjet e viktimave, ndërsa theksuan se BE-ja është në kontakt me autoritetet dhe po vlerëson nevojat urgjente humanitare me partnerët. Sipas deklaratës, është aktivizuar edhe sistemi satelitor Copernicus në modalitetin e hartëzimit emergjent për të mbështetur operacionet e reagimit, ndërsa BE-ja tha se mbetet në kontakt të ngushtë me partnerët humanitarë dhe është e gatshme të ofrojë të gjithë mbështetjen e nevojshme operative. Pasditja vonë e së mërkurës rezultoi dramatike për Venezuelën. Vendi u godit nga dy tërmete të fuqishëm 7.2 dhe 7.5 Rihter, lëkundjet e të cilëve u regjistruan rreth 1 minutë njëri pas tjetrit. Pamjet e shpërndara nga aeroporti i Karakasit në momentet e lëkundjeve treguan forcën e dhunshme të tërmetit që rrëzoi dhjetëra e ndoshta qindra ndërtesa në gjithë vendin. Pasojat në videot e shpërndara në rrjetet sociale pas qetësimit të situatës, janë të dukshme kudo, me rajonin La Guaira dhe Karakasin që raportohen si dy zonët më të prekura. Mos rri jashtë: bashkohu me ABC News. Ne jemi kudo! Hetim disiplinor i drejtorit të policisë/ Gentian Berberi kërcënoi zyrtaren në polici, pas lëvizjes në detyrë Helmohen 60 studentë të policisë/ Lamallari: AKU po shqyrton çështjen, presim konkluzione të analizave Protestat në Tiranë/ Policia procedon penalisht 11 protestues
